PhD uchun:

• Magistratura darajasi yoki mutaxassislik dasturlari bo‘yicha unga tenglashtirilgan oliy ma’lumot diplomi;
• Ilmiy yutuqlar, shu jumladan, ilmiy jurnalda e’lon qilingan kamida bitta ilmiy maqola (jurnal maqolasi) va tegishli sohalarda o‘tkazilgan ilmiy anjumanlar to‘plamlarida chop etilgan kamida ikkita tezis. Bular PhD dissertatsiyasining asosini tashkil etishi mumkin.

Kunduzgi (tayanch doktorantura) ta’lim dasturiga ariza topshirish har yili 15-sentyabrdan 15-oktyabrgacha amalga oshiriladi hamda ular Universitet Tanlov komissiyasi tomonidan qabul qilinadilar.

Nomzodlar sirtqi (mustaqil tadqiqotchi) dasturiga har chorakda ariza topshirishlari mumkin:

• Birinchi qabul: 15-sentyabrdan 15-oktyabrgacha;
• Ikkinchi qabul: 15-yanvardan 15-fevralgacha;
• Uchinchi qabul: 15-apreldan 15-maygacha;
• To‘rtinchi qabul: 15-iyuldan 15-avgustgacha.

Kunduzgi PhD dasturi (tayanch doktorantura) uchun:

1. Qisqacha biografik ma’lumotnoma (rezyume)
2. Magistrlik diplomi yoki oliy ma’lumot diplomi nusxasi (mutaxassislik dasturlari bo‘yicha).
3. Mehnat daftarchasining belgilangan tartibda tasdiqlangan nusxasi (ishlaydigan talabgorlar uchun).
4. Chop etilgan ilmiy maqolalar ro‘yxati va ularning nusxalari.
5. Chet tili sertifikati (B2 va undan yuqori darajada)

O‘zbekiston Respublikasi Prezidentining Davlat stipendiyasi sohiblari tegishli hujjatning nusxasini taqdim etadilar.

Mustaqil tadqiqotchi (PhD) uchun:

1. Qisqacha biografik ma’lumotnoma (rezyume)
2. Magistrlik diplomi yoki oliy ma’lumot diplomi nusxasi (mutaxassislik yo‘nalishlari bo‘yicha)
3. Mehnat daftarchasining belgilangan tartibda tasdiqlangan nusxasi (ishlaydigan talabgorlar uchun).
4. Ilmiy ishlar ro‘yxati va ularning nusxalari.
5. Ish beruvchi/rahbar/ilmiy rahbarlarning tavsiyanomalari.
6. Tadqiqot loyihasi

Kunduzgi PhD dasturi (tayanch doktorantura) ta’lim dasturiga kirish imtihonlari har yili 1-noyabrdan 25-noyabrgacha o‘tkaziladi. Talabgorlar mutaxassislik fanlari bo‘yicha imtihon topshiradilar. O‘qishga qabul qilish natijalari keyingi yilning yanvar oyida o‘quv davri boshlanishigacha e’lon qilinadi.

Mustaqil tadqiqotchi (PhD) ta’lim dasturiga suhbat, ariza topshirish muddati tugagandan so‘ng har chorakda tashkil etiladi. Nomzodlar qabul komissiyasi tomonidan o‘tkaziladigan mutaxassislik bo‘yicha suhbatdan o‘tkaziladi.

Kunduzgi PhD dasturida tahsil oluvchilar ilmiy xodimning bazaviy lavozim maoshi miqdorida stipendiya to‘lanadi. Stipendiyalar davlat byudjeti tomonidan qoplanadi.

Falsafa doktori (PhD) ilmiy darajasiga da’vogarlar dissertatsiya himoyasidan oldin quyidagi talablarni bajarishi kerak:

• ixtisoslik va chet tili bo‘yicha malaka imtihonlarini muvaffaqiyatli topshirish;
• dissertatsiya natijalarini xalqaro va milliy miqyosdagi ilmiy anjumanlar hamda konferensiyalarda keng muhokama qilish;
• ilmiy natijalarning amaliyotga joriy etilganligi to‘g‘risidagi ma’lumotnomalarni tegishli tashkilotlardan olish;
• Oliy attestatsiya komissiyasi tomonidan belgilangan ilmiy jurnallarda dissertatsiyaning asosiy natijalarini aks ettiruvchi kamida 3 ta (uchta) ilmiy maqola (shulardan bittasi xalqaro darajada) hamda 4 ta (to‘rtta) ilmiy ma‘ruza tezisini (shulardan ikkitasi xalqaro darajada) chop qilish.

• dissertatsiya mavzusi bo‘yicha yakka tartibdagi rejani tuzish va tasdiqlash;
• ixtisoslik sohasidagi nazariy-uslubiy (metodologik) dasturni tuzish va tasdiqlash;
• dissertatsiya mavzusi bo‘yicha Oliy attestatsiya komissiyasi ro‘yxatida ko‘rsatilgan ilmiy jurnallarda kamida 1 ta (bitta) ilmiy maqola chop etish;
• ilmiy konferensiyada dissertatsiya mavzusi bo‘yicha kamida 1 ta (bitta) ma’ruza bilan ishtirok etish va shashr qildirish;
• dissertatsiya mavzusi bo‘yicha tahliliy sharh natijalari yuzasidan universitetda o‘tkaziladigan seminarda ma’ruza qilish (rahbar bilan birgalikda).

• Oliy attestatsiya komissiyasi ro‘yxatidagi ixtisoslashtirilgan ilmiy jurnallarda dissertatsiya mavzusi bo‘yicha kamida 1 ta (bitta) ilmiy maqola chop ettirish;
• ilmiy anjumanlar to‘plamlarida dissertatsiya mavzusiga oid kamida 1 ta (bitta) ma’ruza tezisini nashr qildirish;
• Oliy attestatsiya komissiyasi ro‘yxatida ko‘rsatilgan xorijiy jurnalda kamida 1 ta (bitta) ilmiy maqola chop ettirish;
• universitetning ilmiy-tashkiliy bo‘linmasi (kafedra, bo’lim) ilmiy seminarida dissertatsiyaning dastlabki natijalari bo’yicha ma’ruza bilan ishtirok etish;
• dissertatsiya mavzusi bo‘yicha shaxsiy reja bajarilishi to‘g‘risida hisobot taqdim etish.

• tegishli tashkilotlardan ilmiy natijalarni amaliyotga joriy etilganligi to’g’risida ma’lumotnomalarni olish;
• Oliy attestatsiya komissiyasi talablariga muvofiq dissertatsiyani yakunlash, dissertatsiya va avtoreferatni rasmiylashtirish;
• tugallangan dissertatsiya bo‘yicha universitetning ilmiy-tashkiliy bo‘linmasi yig‘ilishlarida muhokamadan o’tkazish;
• chop etilgan maqolalarning umumiy sonini kamida 3 ta va ma’ruza tezislar sonini kamida 4 taga yetkazish.