Doktorantura (DSc) ga kiruvchilar uchun talabgorlar quyidagilarga ega bo‘lishi kerak:

• Xalqaro oliy ta’lim muassasalaridan olingan fan nomzodi yoki falsafa doktori (PhD) darajasi yoxud unga tenglashtirilgan boshqa ilmiy daraja;
• Fan nomzodi yoki falsafa doktori (PhD) ilmiy darajasini olgandan so‘ng erishilgan salmoqli ilmiy yutuqlar, jumladan: tegishli fan sohalariga oid ilmiy jurnallarda chop etilgan kamida uchta ilmiy maqola hamda ilmiy anjuman materiallari to‘plamida yoki boshqa ilmiy maqolalar to‘plamlarida e’lon qilingan kamida ikkita tezis. Ushbu ilmiy ishlar fan doktori (DSc) ilmiy darajasini olish uchun dissertatsiya tadqiqotining asosini tashkil etishi lozim.

Kunduzgi (doktorantura) ta’lim dasturiga ariza topshirish har yili 15-sentyabrdan 15-oktyabrgacha amalga oshiriladi hamda ular Universitet Tanlov komissiyasi tomonidan qabul qilinadilar.

Nomzodlar sirtqi (mustaqil tadqiqotchi) dasturiga har chorakda ariza topshirishlari mumkin:

• Birinchi qabul: 15-sentyabrdan 15-oktyabrgacha;
• Ikkinchi qabul: 15-yanvardan 15-fevralgacha;
• Uchinchi qabul: 15-apreldan 15-maygacha;
• To‘rtinchi qabul: 15-iyuldan 15-avgustgacha.

Kunduzgi DSc dasturi (doktorantura) uchun:

1. Qisqacha biografik ma’lumotnoma (rezyume)
2. Mehnat daftarchasining belgilangan tartibda tasdiqlangan nusxasi (ishlaydigan talabgorlar uchun).
3. Fan nomzodi diplomi yoki falsafa doktori (PhD) diplomi yoki chet elda olingan unga tenglashtirilgan boshqa ilmiy daraja diplomi nusxasi.
4. Tadqiqot mavzusi bo‘yicha ilmiy hisobot va dissertatsiya rejasining batafsil loyihasi.
5. Chop etilgan ilmiy maqolalar ro‘yxati hamda ularning nusxalari.
6. Chet tili sertifikati (B2 va undan yuqori darajada)

Mustaqil tadqiqotchi (DSc) uchun:

1. Qisqacha biografik ma’lumotnoma (rezyume)
2. Mehnat daftarchasining belgilangan tartibda tasdiqlangan nusxasi (ishlaydigan talabgorlar uchun).
3. Fan nomzodi diplomi yoki falsafa doktori (PhD) diplomi yoxud chet elda olingan, unga tenglashtirilgan boshqa ilmiy daraja diplomining nusxasi.
4. Chop etilgan ilmiy maqolalar ro‘yxati hamda ularning nusxalari.
5. Ish beruvchi, rahbar yoki ilmiy rahbarlarning tavsiyanomalari.

DSc dasturlari bo‘yicha kunduzgi ta’lim (doktorantura) shakli uchun suhbatlar har yili 1-noyabrdan 25-noyabrgacha, sirtqi (mustaqil tadqiqotchi) ta’lim shakli uchun har chorakda ariza topshirish muddati yakunlangandan keyin tashkil etiladi. Nomzodlar qabul komissiyasi tomonidan mutaxassislik bo‘yicha suhbatdan o‘tkaziladi.

Kunduzgi DSc dasturi nomzodlarining stipendiyasi katta ilmiy xodimlarning asosiy lavozim maoshiga tenglashtiriladi. Stipendiyalar davlat byudjeti tomonidan to‘lanadi.

Nomzod o‘z DSc dissertatsiyasini belgilangan muddatdan kamida 6 oy oldin himoya qilgan taqdirda, nomzodning o‘zi va uning ilmiy rahbari (ilmiy maslahatchisi) mukofotlanadi.

Fan doktori (DSc) ilmiy darajasiga da’vogarlar dissertatsiya himoyasidan oldin quyidagi talablarni bajarishi kerak:

• dissertatsiya natijalarini xalqaro va respublika miqyosidagi ilmiy anjuman hamda konferensiyalarda keng ko‘lamda muhokama qilgan bo‘lishi;
• Oliy attestatsiya komissiyasi tomonidan belgilangan ilmiy jurnallarda dissertatsiyaning asosiy natijalarini aks ettiruvchi kamida 10 ta (o‘nta) ilmiy maqola (shu jumladan, bitta xalqaro maqola) hamda 5 ta (beshta) ilmiy ma‘ruza tezisini (shulardan uchtasi xalqaro darajada) chop qilish;
• ilmiy natijalarni amaliyotga joriy etilganligi to’g’risida ma’lumotnomalarni tegishli tashkilotlardan olishi;
• dissertatsiya natijalari asosida monografiya nashr ettirgan bo‘lishi.

• dissertatsiya mavzusi bo‘yicha shaxsiy reja tuzish va tasdiqlash;
• dissertatsiyaning birinchi va ikkinchi boblarini yakunlash;
• Oliy attestatsiya komissiyasi ro‘yxatidagi jurnallarda dissertatsiya mavzusi bo‘yicha kamida 3 ta (uchta) ilmiy maqola nashr etish;
• respublika va xalqaro ilmiy anjumanlar to‘plamlarida dissertatsiya mavzusi bo‘yicha kamida 1 ta (bitta) ilmiy ma’ruza tezisini chop ettirish;
• ilmiy konferensiya yoki seminarda dissertatsiya mavzusi bo‘yicha ma’ruza bilan ishtirok etish;
• dissertatsiya mavzusi yuzasidan tahliliy sharh tayyorlash;
• dissertatsiya mavzusi bo‘yicha tayyorlangan tahliliy sharh natijalari yuzasidan seminarda taqdimot o‘tkazish.

• dissertatsiyaning uchinchi va to‘rtinchi boblarini tayyorlash;
• Oliy Attestatsiya Komissiyasi ro‘yxatidagi jurnallarda dissertatsiya mavzusi bo‘yicha kamida 4 ta (to‘rtta) ilmiy maqola (shulardan biri xalqaro darajadagi) chop ettirish;
• mahalliy va xalqaro ilmiy anjumanlar to‘plamlarida dissertatsiya mavzusi bo‘yicha kamida 1 ta (bitta) ilmiy ma’ruza tezisini nashr qildirish;
• dissertatsiyaning dastlabki natijalari yuzasidan seminar o‘tkazish;
• ilmiy anjuman yoki seminarda ma’ruza bilan kamida bir marta ishtirok etish;
• dissertatsiya mavzusi bo’yicha shaxsiy rejaning bajarilishi to’g’risidagi hisobot berish.

• Oliy attestatsiya komissiyasi ro‘yxatidagi jurnallarda dissertatsiya mavzusi bo‘yicha kamida 3 ta (uchta) ilmiy maqola chop ettirish;
• dissertatsiya natijalari asosida monografiya nashr etish;
• ilmiy natijalarni amaliyotga joriy etilganligi to’g’risida ma’lumotnomalarni tegishli tashkilotlardan olish;
• Oliy attestatsiya komissiyasi talablariga muvofiq dissertatsiya va avtoreferatni tayyorlash hamda rasmiylashtirish;
• tugallangan dissertatsiya bo‘yicha universitetning ilmiy-tashkiliy bo‘linmasi yig‘ilishlarida muhokamadan o’tkazish;
• chop etilgan maqolalarning umumiy sonini kamida o‘nta va ma’ruza tezislar sonini kamida to‘rttaga yetkazish.